اغنيه محطات انتظار

أكرم مراد يكتب عن مصطفى الجارحي.. صوتي محطات انتظار

في بداياتي كملحن... تعرفت علي الشاعر الجميل... مصطفي الجارحي... وتعاونا معا في صنع ممجموعه من الاغنيات... وفي زياره... للموسيقار العالمي حمزه علاء الدين... طلب مني الجارحي.. ان يقابله... ويجري حوار صحفي معه... وبعد ان انتهي... استمع  الموسيقار حمزه... لأشعار  الجارحي... وسألني...  انتوا  اشتغلتوا مع بعض... الجارحي رد بسرعه... وقاله طبعا... قالي سمعني... واخرج عوده... وضبطه...  وقالي انا ما بديش عودي لحد... طبعا انا... ركبي بتخبط في بعض... دي اول مره... هغني... قدام... خالي... الموسيقار الكبير... المهم... غنيت... الاغنيه دي... لقيته مركز جدا... ولما خلصت.. راح عامل بايده... علامه ✅ في الهواء... قولتله مش فاهم... قالي انت اعتمد  خلاص... قولي بقي انت فكرت في اللحن ده ازاي؟!.. قولتله... تخيلت  مشهد... سفر للمغني... وهو في انتظار القطار... وعندما نظر للساعه الموجوده علي الرصيف... قام بالتركيز في عقرب الثواني... ومن هنا تم تحديد  ايقاع الاغنيه... واسترسلت... في شرح الحاله النفسيه... ابتسم... وقالي... انا مش عاوزك تقول علي نفسك ملحن.... انت مؤلف موسيقي.... انا عاوزك  تدرس العلوم الموسيقيه... علشان لما تيجي هناك... انت مش هاتشاورلهم... هاتقولهم... انت عاوز ايه... وهينفذوه... يقصد الاوركستر... قولتله... انا... قالي ايوه انت.... انا نفذت الجزء الاول... وهو تعمقي في الدراسه الموسيقيه... لكني  رفضت فكره السفر.... وقولتله.... انا هانجح هنا... وهوصل  للعالميه من هنا... قالي انت غلطان... وكان عنده حق... انا ضيعت عمري... في بلد...  بتموت مبدعيها.... للأسف... رحم الله خالي الموسيقار... واستاذ العلوم الموسيقيه في جامعات امريكا... hamza el din... الاغنيه بصوتي... من 25سنه.... اغنيه للتاريخ

الشاعر مصطفى الجارحي

تلحين وغناء.. أكرم مراد

إخراج و رؤية.. عبداللطيف ابو هميله