تكبير الخط تصغير الخط

بعدإهانة محمد رمضان للفنان الجميل الراحل إسماعيل ياسين في مسلسل موسى وإظهاره بشكل غير لائق .. علقت سارة حفيدة الراحل اسماعيل ياسين عبر صفحتها بالفيس بوك وقالت :

صحفيون كلمونا طالبين منا تعليق على مشهد في مسلسل أسمه موسى لمحمد رمضان ، وعلشان أنا الصراحة مبتفرجش على أعماله مكنتش فاهمة إيه سبب كل الدوشة دي وإلحاحهم على تعليق أسرة إسماعيل ياسين، هو إيه علاقة إسماعيل ياسين بمسلسل محمد رمضان أصلاً! أحد الصحفيين صمم إنه يبعتلي المقطع وقالي كلمة ظهور سلبي، وعلشان برده انا فاهمة ان طبع الصحافة المبالغة قولت نشوف ونحكم بنفسنا قبل أي تعليق.

والصراحة طلع عندهم شوية حق، لأن دي مش أول مرة محمد رمضان يجيب سيرة إسماعيل ياسين، بس أنا مش بألوم عليه، واحد تصرفاته بتثبت مشاكل نفسية أهمها عدم الثقة بالنفس والنقص اللي واضح إن الشهرة والفلوس مملوش عنده الحتة دي وطبعاً مش محتاجة أقول أيه الأسباب.

أنا بألوم على المخرج والمصور والمنتج اللي مفروض انهم ينتموا للفن بس واضح انهم كمان ارزقية.

انا كمان بلوم على الولد اللي أدى الشخصية اللي صفحته على التيك توك كلها إعجاب وتقدير للفنان إسماعيل ياسين، دا حتى زار السويس اللي منها إسماعيل ياسين و أتصور فيها ، بس واضح إنه استغله للوصول للشهرة فقط، لأنه لما جتله الفرصة للظهور في مسلسل ؛ وافق علي تقديم مثله الأعلى بشكل غير لائق بس ليه هو مش إسماعيل ياسين، لأن ببساطة سيظل إسماعيل ياسين أيقونة الكوميديا في مصر والوطن العربي ، الوحيد صاحب أعمال تُسمى بإسمه، ستظل سيرته الحميدة التي لم تمت حتى بعد ٤٩ سنة من وفاته رغم كل من يحاول الإساءة له أو لتاريخه الفني.