#قصة_قصيدة

وانا في الزنزانة الساعة خمسة الصبح قبل ما أي حد يصحى كنت قاعد لوحدي ، والكل سابح في نوم عميق وبافكر في أمر غريب أوي .. 

عمي هارون صحي بدري

عمي هارون مهندس من الأقصر عنده اختراع جهاز يضيفه على فلاتر المية بيقلل نسبة المية المهدرة ..مافهمش في الحاجات دي بس مؤمن بيه ..هو راجل صعيدي جدع وغلبان ...

عمي هارون صحي من النوم يخش الحمام

لقيني قاعد سرحان وحزين ودار بيني وبينه حوار بتاريخ سبعة أبريل زي انهاردة كدا

ودا الحوار

^مالك ياولدي ، باين عليك سهران مانمتش

=اه ياعم هارون سهران 

^جك عما الدبب يارديني الكلب قول يابشمهندس😂

=ياعم اقعد بقا ماكلها مهندسين ومتنيلين على عينينا اهو😎

^تعرف ياواد يارديني ايه اللي مانعني عن قتلك ؟

=ايه ياعم هارون ؟🤔

^اني هاتحبس وانا زهقت م الحبس اصلا  

=والله ياعم هارون انت شخص جميل ومرح😍

^ها ؟ هزرنا اهو قول بقا مالك ياولدي

=ماليش ياعم هارون بافكر  في بنت💔😟

^بنت؟؟؟؟😳😳

أنا قولت ماحدش هيكتب الاشعار رومانسية كدا وهو معتقل الا لما يكون عربيد.. انت عربيد وهلاس وبتاع حريم صح؟

=ياخي ماتسمع الكلام للآخر🥺🤬😡

دي خطيبتي ياعم هارون اللي قولتلك عليها

^اااااااها...معلش ياولدي بانسى وانت ماتأخذنيش 

=تعرف ياعم هارون انا خايف من ايه؟

^وهو انت بتخاف يارمة بس ماعلينا ، خايف من ايه يابوز الاخص ياسبب المشاكل في العنبر وفي الكوكب

=ياعم هتسمعني للآخر ولا اقوم اتخمد😭😭

^هاسمعك ياولدي

=خايف اطلع مالاقيهاش

^كلها قسمة ونصيب يارديني ولو حصل ربنا يوعدك بغيرها💔

=لا لا لا انت مش فاهم قصدي

خايف اطلع مالقيهاش فقصايدي هتكون قاسية عليها او ...هاجلدها جلد 

^لا يارديني ماظنكش انت اللي  تعمل كدا انت أينعم مطلع عيني لكن واد جدع ومتربي،، 

ولو حصل تكتم انينك ليه ؟ اهجوها

بس اقولك

 لازم الانسان يكون مؤدب في الهجاء أو اللوم والعتاب مع الخلق 

مابالك بقا بحبيبتك وانت لو جيت تعتب هتعتب زي مابوك رباك وقد ما انت عشقتها

........

عدت فترة كبيرة 

وقبل مااخرج من المعتقل بأربع شهور ... جالي خبر ان خطيبتك بح ... مافيش نصيب

قالت دا واد ارهابي بقا الله اعلم أو قالت اني هاطول وكدا ....😂

المهم مافيش نصيب

وقتها كنت اتنقلت في زنزانة صحابي وسيبت الزنزانة بتاعتي اللي قعدت فيها طول الفترة

وكتبت قصيدة

خيول الهزايم ... لأول هزيمة حقيقية في حياتي

وهجوتها ... زي ماقال عمي هارون بالظبط

بأدب

وروحت وقولتله تسمع قصيدة هجاء ياعم هارون

قاللي جملة مش هنساها

( ياعيني عليك ياولدي جيت تروح للوداع بخيالك . جالك )

وقولتله القصيدة 👇