ستي قالتلي

لو غبت ١٢ شهر عن البيت

تبقى غريب عنه

وقالتلي

 ان ضوافرك لازم تفضل فيها بواقي الطين في الارض

عشان الجذر ان ساب الطين بيموت

كل الأشياء بتموت ان سابت الطين

وقالتلي انك هتحب الغربة

بس هتتيتم ..لما هتتنشق على اي بشر شايلالك في عنيها حنين

 قالتلي اسافر

 غور

و مادام شايف ان هناك النور

روح

مع ان هناك

 البرد بيبقى برد الجو

 بس تتلج فيك الروح

 على فكرة قالتلي

عاذراك ياحميدة

 وياك عذرك

 رخصوا كل الناس فيك قدرك

وبقيت خاوي وخالي

خالي كل الاشياء

 إلا البال بالك مش خالي

 سافر يااحمد

يمكن لغة الناس التانية

تنخر فيك جبل الخوف

يمكن ترأى وتشوف الجاي جميل

لو حتى بوهم

 اوهم نفسك ان هناك هتلاقي حبيبة

 تشبه لبنات مصر الحلوين

جدك ياض كان نسوانجي

 بس بتاع ربنا وحلال

قالي

 البنت هناك مش زي البنت المصرية

لما تاخدها في حضن سريرك

مش هتحس بطعم اللذة

سافر يااحمد

زي ماسافرت نخوة بلدك دم الناس في مقابر غزة