مسـحــراتــي مـاشــي فـــي الســكــــة 

وقـلبـــي بيـخــــرّم لكــــوم الـــدكـــــة

رايــح لبيــت سيـــد أبــو الـدراويـــش 

على القِزاز والشيش وصوت الضحـكة 

لقيـتــه قـاعــد قــايـــــد الـمـنــقـــــــد

والـــورد بـيــفـتّــح له ع الـمـســنــــــد 

وفي إيـده عـوده اللـي ضحّـك وبـكّـى 

رجِــع الحبـيــب سـالـمــه يـا ســلامــة

مـا هـيـش آهــات يـا عــم وغـنــــاوي 

دى مَـيـه بتشـقـشـق معـاهـا التـقــاوي 

إمــلا القــلل يــا عـــم يــا قـنــــــــاوي 

شيــخ العــرب فـي حيـكـم عطشـــان 

ومصـر قـايـمـــة الصبـــح تتـشـمّــــــر 

على بال عجينها في الماجور ما يخمّر 

والفــرن يحْـمَـى والـوابــور يتـعـمّــــر 

عينـيـهــا تسـهـــر تـسـمـــع الألـحــــان 

يا غـنـوة مصـريـة فى قلـوبنـا تعيـش 

المــوج يغـنـيـهـــا علـى الكـورنـيـــش 

وتـسـهّـــــــر الــدنـيــــــا لحـــــــد الآن 

يـا وتــر أنـيـنــه هـــزّ كــل الــوجـــود 

الثـــورة بـتـغـنــي معـــاك ع الـعـــــود 

ضمينـا علـى بعـض القلـوب والأيـادي 

نقول: بلادي بلادي...

.بالطبله دقة        وبقلبى دقة 

ياللي سامعني   ما تقولش لأ  

يـا عـود بلـدنا يـا ربـاب الشجـن 

قلبـك منَبِّـه مصـر عمره ما ركـن 

مظبوط على دقات هدير المـكن 

شيخ العرب سيد أبـو الدراويش 

هـوّ اللي روحـه للحبايـب سكـن

اصحى يا نايم 

رمضـان كـريـم

.