عن سد الكارثه

"١" 

-أثيوبيا بيتساقط عليها 1000م م مياه سنويا

-مصر حصتها المائيه من إثيوبيا 55.5 مليار م مكعب 

-سد النهضه يتكون من جزئين 

الجزء الأول المبني الخرساني اللي الإعلام مصدعنا بيه يوميا ودا بيتكون من 3 أجزاء

١- ضفه غربيه  أعلاها 6 ممرات لتوربينات الكهرباء بعد أما إثيوبيا خفضت عدد التوربينات  و أسفل الضفه في قاع البحيره بوابتين "برابخ"لتمرير المياه في حاله الجفاف ودول كمان خفضتها لبوابه واحده و التانيه إتقفلت من الطمي و إتردمت

٢-ضفه شرقيه فيها 6 توربينات  وبوابتين  تم إلغاء واحده و البوابه التانيه طمرها الطمي و إتردمت 

12 ممر للتوربنات هما اللي هيمرروا ميه لمصر والسودان وإحتمال يلغوا واحده أو أكتر ودول مستوياتهم مرتفعه

يعني لو حصل جفاف و إثيوبيا وافقت إنها تمرر المياه لمصر ف فتحات التوربينات مش هتمرر مياه بصوره كبيره

٣-الجزء الاخير ف سد النهضه الممر الأوسط اللي ديما بنتكلم عليه ودا هيمرر المياه الزايده ف البحيره وحاليا إرتفاعه 572 تقريبا

  "٢"

الجزء الثاني من السد

ودا الأعلام مش بيتكلم عنه

-إثيوبيا المفروض في بدايه السد كانت مستهدفه انها تخزن 14 مليار ودول مش هيعملوا مشكله لدول المصب

بعدها رفعت مستوي التخزين 48 مليار متر مكعب 

وأخيرا  بدأت تتكشف نواياها  وقالت إحنا هنخزن 74 مليار مياه  بدون رادع مصري سوداني 

-إثيوبيا قابلتها مشكله ف تخزين الحجم الكبير جدا من المياه دي، وإن مخزون المياه خلف سد النهضه  في حاله إرتفاعه  هيمر بين جبلين، و المياه هتلف و تروح لمصر و السودان تاني... 

- إثيوبيا عملت سد بين الجبليين دول بطول 5 كيلوا متر و إرتفاع من 60  ل 70متر وقفلت المنفذ دا

ودا إسمه سد "السرج" ودا الجزء التاني

-بيحيره سد النهضه بدون سد السرج  هتخزن كميه قليله 14 مليار مش هضر بمصر أو السودان ضرر بالغ

 "٣"

-أثيوبيا الموسم الماضي 5 يوليو 2020  وصلت بالسد لإرتفاع 560 م فوق مستوي البحر وقدرت تحجز خلفه 4.5 مليار منر مكعب من المياه ودا يمثل الحجز الأول

-إثيوبيا كانت هتحجز حوالي 14 مليار مياه إضافيه يعني هيكون المجموع حوالي 18مليار  الموسم الحالي لكنها لم تتمكن .

-المفروض السد كان هيوصل ل 595 الموسم الحالي عشان يقدر يحجز 18 مليار لكن إثيوبيا وجدت صعوبه شديه في صب الخرسانه ،ودا بسبب إرتفاع المبني و العامل الزمني بسبب موسم الأمطار 

-إثيوبيا يا دوب قدرت ترفع السد يا دوب و حتي أمس ل 572 ودا هيخلي التخزين ينزل من 18 مليار لأقل من 8 مليار

  "٤"

-صحيح إثيوبيا مش هتقدر تحجز أكتر من 8 مليار السنه دي لكن المعادله إتغيرت 

-منها تحصين سد النهضه من العمل العسكري المباشر ودا لأن بعد حوالي 25 كيلوا متر، فيه مجموعه سدود سودانيه هتنهار حرفيا زي سد الروصيرس

إثيوبيا يا دوب هتخزن 4 مليار إضافيه السنه دي لكن 

عامل البخر و تشبع الصخور و إمتلاء الفوالق دا هيتسبب في الفاقد من حصه مصر و السودان

  "٥"

إثيوبيا وشعبها شايفين الحضاره و العز و التقدم اللي فيه مصر بسببهم وبسبب كميه ال 55.5 مليار دول وكل أملها إنها تستفاد من كميه المياه دي المرسله لمصر

لكن كان فيه مجموعه إتفاقيات كانت منعاها تبني سدود ع النيل زي إتفاقيه 1902 و 1959اللي تضمن حصه مصر وعدم تشيد سدود ع النهر الأزرق

بقالها سنيين بتحاول تتنصل من الاتفاقيات دي لكن كل حاكم مصري حاطط الهدف الأثيوبي دا خط أحمر

غدا مجلس الأمن هيناقش مشكله السد تحت الفصل السادس اللي هيكتفي بتوصيات غير ملزمه

-طب إيه يمنع مصر إنها تقدم شكوي رسميه لمجلس الأمن؟إتفاقيه المبادئ اللي ألزمت مصر،ف البند الخامس بيقول تستمر المفاوضات مع أعمال البناء

كمان البند العاشر اللي بيقول "مينفعش أدخل وسيط إلا لو كل أطراف النزاع وافقت ع الوسيط دا "

مصر و السودان بقالهم فتره بيحاولوا يدخلوا وسيط زي الامم المتحده أو الاتحاد الأوروبي او أمريكا

السودان و مصر بيوافقعوا أهم إتنيين مقابل واحد

إنما أثيوبيا ترفض فموقفها يتفوق علي مصر و السودان

دا البند العاشر اللي بيمنع دخول وسيط الأ بتفاق ثلاثي

"٦"

-طب مصر بتتفاوض علي إيه بقالها 10سنيين؟

علي مراحل ملء البحيره و سنوات الجفاف و الجفاف الممتد ..ودا إختلافنا

-هل مصر بقالها 10 سنين بتحاول تلزم إثيوبيا بحصه مصر التاريخيه؟ لا

هل إتفاقيه المبادئ فيها بند بيحفظ حصه مصر ؟

محصلش

"٧"

-بكره في مجلس الأمن هيكون  موقف الصين و روسيا في صف إثيوبيا في حاله أي إلزام زمني للتفاوض اللي هيوصي بيه مجلس الأمن

الصين في آخر موقف ليها من خلال مندوبها عن مجازر إقليم التغراي ،كان موقفها في صف إثيوبيا 

 الصين تملك قاعده مهمه في جيبوتي و من كام شهر حصلت مناوشات بينهم وبين قاعده أمريكيه في الصومال ترتب عليه أهميه موقع القرن الأفريقي وأصبح موقع مهم وفيه صراع لفرض الهيمنه

روسيا موقف مندوبها في صالح إثيوبيا كنايه في السودان اللي لغت إتفاقيات القواعد العسكريه الروسيه في السودان ،و من كام يوم موقفهم عن مذابح التغراي إن دا شأن داخلي

"٨" 

هل سينهار سد النهضـــة (نعم ولأ)...

يقول خبير السدود د. محمد حافظ سوف ينهار سد النهضه و لكـــــــن

 بعد إرتفاع السد  لمستوي "745"متر فوق القاع (المهشم) جيولوجيا

ستزيد إحتمالية الإنهيار بشكل كبير في حالة تجمع "حالتان تحميل" في "آن واحد"

مثلا حالة تحميل قصوي أثناء الفيضان مع وقوع "زلزال"

 او حالة حالة تحميل عادية في شهر نوفمبر على سبيل المثال مع حدوث (Seepage) بسبب تمزق الستائر تحت قاع السد أو لأسباب أخرى ليس هنا المكان في التحدث عنها بالتفاصيل.

لكن.في حاله (إثيوبيا) تمرير (الملء الثاني) ووصول (سد النهضة) لوضعية (تحصين ذاته) من أي عدوان عسكري عندئذ ستبدأ إثيوبيا في بناء سدان أخران هما (كارادوبي+ مانديا) وكلاهما يحملان معا قرابة (90 مليار متر مكعب) بدون حساب الفواقد أي بالفواقد قد تصلا إلي 120 مليار متر مكعب. أي الإستحواذ على (إثنين ونصف فيضان سنوي) لزوم التخزين ببحيرات هذان السدان . 

ولذلك فهناك (إحتمال كبير) جدا أن  يكونا هذان السدان جاهزان للتخزين الجزئي قبل عام 2025 أي بمعني .. بعد وصول سد النهضة لأعلى تخزين له في عام (2023- 2024) ... ستعطي إثيوبيا أولية لملء خزان سد كارادوبي وسد مانديا بشكل جزئي..وهذا الأمر سوف يقلل من كمية المياه الواصلة لسد النهضة.

وحينذاك سيأتي فيضان 2025 وما بعدها ..والتخزين في سد النهضة يحتضر تدريجيا 

وعليه فبعد وصول سد النهضة لأقصي تحميل ممكن عند منسوب (645) في نهاية عام 2023 ..ولم ينهار بسبب (رحمة من عند الله) في أول (مرة تحميل)  فعندئذ ..لن ينهار بعد ذلك بسبب نقل الفيضان إلي خزنات  السدود العلوية مع الإحتفاظ بسد النهضة بعمود مياه أقل من 50% من إرتفاع عمود المياه الأقصي.

وفي هذه الحالة (لن ينهار سد النهضة) إلا بحدوث زلزال أعلى من 6.0 ريختر بموقع السد. 

ملخص القول أن (سد النهضة) سوف ينهار لو إشتغل (وحده) وخاصة خلال السنوات الأولي من التخزين (الآقصي)

ولن ينهار في حالة تحميله بــ 50% من الأحمال القصوي بسبب نقل كل تدفقات فيضان النيل لخزنات السدود العلوية.

 "٩"

بعض الحلول المتداوله

-الإنسحاب من إتفاقيه المبادئ وتقديم شكوي لمجلس الأمن وقبلها عرض الأمر ع الأمم المتحده 

 اللجوء للتحكيم الدول و عندنا إتفاقيات موثقه

المطالبه بإقليم  بني شنغول المبني عليه السد

ضرب سد السرج ودا اللي مطمنا لفرصه العمل العسكري مازال موجود

مجلس الأمن مش هيتحرك إلا بتحريك جنازير الدبابات

"١٠"

أهداف إثيوبيا كارثيه

أقلها ضرر تسليع المياه و بيع المياه كسلعه زي البترول لمصر وبعض الدول ولربما تصل للخليج

ودا متعارف عليه في بورصات المياه في أمريكا

ومن يومين تقريبا الأردن قامت بشراء 50 مليون م ميه من إسرائيل