تكبير الخط تصغير الخط

اتوقع ان ينتهي البرنامج ومع اشارة النهاية تنزل الموسيقي بمشهد أفقي ومحمد ناصر بيبص للكاميرا ويقول ... انا عمري ماكنت اخوان ...خالتي بتسلم عليك ... ومعتز واقف في ميدان تكسيم ورافع صورة محمود السيسي وبيهتف .. هو ده امل مصر المستقبل 

... السسبنس بقي لما تحول القناة تلاقي احمد موسي رافع علامة رابعة ولميس بترقص في كباريه وابراهيم عيسي يتجه للتدريس ومحمود سعد يتبرع بكل فلوسه ويقعد علي باب السيدة ... وعمرو اديب لابس جلابية شكوكو وبيسرح بقرد في شوارع الناصرية والازبكية  ومصطفي بكري بيجري في الشارع بجلابية مقطعة وبيصرخ ويقول اشف بيه يا اشف بيه هات جنيه والعيال بتعمل فيه حاجات غريبة وتجري ... وحمزة زوبع في مستشفي المجانين و اول مايدخل يقابل مورتا في نفس العنبر بيرقص ولابس ريش الهنود الحمر بتاع علام الملواني ومصطفي الفقي واقف ببيجامة مقطعة و بيقول الجنيه غلب الكارنيه  والريال عال العال وبيبو شايل شنطة تركي ال شيخ وبيجري وراه عالطيارة في المطار ... ومارك روزنبرج يخرج في رسالة علي اليوتيوب يطالب بها العالم كله بأستخدام الفيس بوك المصري لجودته وسرعته وترامب بيجري ورايا بالطوب ويقول لي Rice ... Rice وانا مش فاهم هو عاوز ايه بس يدخل علينا محمد بن سلمان بقفة فيها سمك ويطلع السمك ويعطي لترامب ... والسيسي علي الرصيف التاني ماسك بنادل وبيلعب بها وبيشاور علينا ويضحك ... يضحك وعينه بتلمع .. وبايدن بيبيع سبح وبخور  علي باب السيدة

😃😃😃  صحيت من النوم بحكي لصاحبي في الشغل الحلم قال ... شوف طالما في الحلم سمك يبقي رزق ماتخافش 💃💃💃💃 وبالنوسبة لضحك السيسي قال بدل هو بيضحك لك في الحلم يبقي ناوي لك علي نيه سوداا وكذب المنجمون ولو صدفوا يابني