دنيا وفيها كل شي

وكل من جاها مشى

وكل ظالم انخسف 

والحق هو اللى اتنصف

دى كلمات نهاية فيلم الزوجة الثانية

المشهد :

                صلاح منصور العمدة لما الصدمة 

                اتسببت له ف شلل وفقدان للنطق 

جال فى خاطرى ان صلاح منصور لو فكر لحظة -بعد ما حصل له اللى حصل - إنه يتوب عن المظالم ويرد للناس حقوقها  اللى اغتصبها مش هيقدر 

طبعا لأنه بجانب الشلل وفقدان النطق والعجز عن الحركة الراجل مبيعرفش يكتب 

أمى 

فاجتمع عليه فى لحظة عجز الجهل وعجز الحركة وعجز النطق 

وارد جدا وشفت حالات زى كده إن عجز الحركة يمتد للأيدى فلا تقدر على التعبير بالكتابة لتحاول أن تصلح ما أفسده صاحبها 

المشهد بيقول لى الحق نفسك

احمد ربنا انه لسه ما سحبش منك القدرة على التفكير او القدرة على الفعل

والحق فتش ف دفاترك الحالية والقديمة وان لقيت مظلمة لأى حد فى ذمتك ما تضيعش وقت ومتقولش بكره 

لأنك مش عارف بكره هتقدر أو تلحق واللا لأ 

اللهم ما كان من مظلمة عندنا لأحد من خلقك فإهدنا ووفقنا لردها بالإحسان 

وما كان من مظلمة لأحد من خلقك وعجزنا عن ردها فتحملها عنا يا كريم 

واعف اللهم عنا وعمن ظلمناه وعمن ظلمنا