كورونا تاني: كل الكلام العلمي بيقول إن مصر من الدول المرشحة لموجة تالتة وعنيفة من الفيروس.. الموجة دي بدأت بشائرها فعلا في مصر خلال الأسبوعين اللي فاتوا.. والكلام "العلمي" ده بيقول إن أكتر الدول اللي هتكون متضررة من الموجة دي هما: الهند وباكستان وجنوب أفريقيا ومصر، بحكم عوامل كتير منها عدد السكان المرتفع..

الهند بدأت إغلاق لدلهي "أكبر مدينة مصنّعة للدواء في العالم"، والانتشار في باكستان واضح ومخيف،

ومع ذلك مفيش في مصر "إجراءات بجد".. لا إغلاق ولا حظر جزئي ولا فرض الالتزام بالكمامة ولا تقليل التزاحم في الأسواق والمواصلات ولا أي حاجة:

المطلوب الآن على الأقل:

وقف الطيران مع دولتين بالتحديد هما: الهند وباكستان..

وقف أي امتحانات "مدارس أو جامعات"، والالتزام بشكل حاسم بمنع العزاءات والأفراح والمؤتمرات والتجمعات بشكل عام..

فرض الكمامات في الأسواق والمواصلات والمحلات بشكل جاد..

الإسراع بحصول الناس على اللقاح، فحتى الآن نسبة من حصلوا على اللقاح قليلة جدا..

ربنا يحفظنا جميعا..