انا ومحو الامية !!

 سنة ٢٠٠٧ علي مااذكر..رئيس مركز ومدينه .. اجتمت طنط سوزي بالساده المحافظين 

..اعطتهم تعليمات: اعلان محافظاتهم بلا امية خلال ستة شهور..

علي فكره قبل مااكمل..الست دي كويسه وبتفهم احسن من الافندي بتاعها.. يكفيها مشروع القراءة للجميع..حتقولي بعض المنافقين اصدر منه كتب ..اقولك: اي حاجه بتطلع فضلات..بس المشروع بصفة عامة كويس..

يمكن عيب خالتك..انهاكانت عايزه تعمل من ابنها الفسيخ شربات..معلش القرد في عين امه..قرد برضه..الواد يااخوانا قفا  مينفعش  ..اخره حلاق سيدات .. في صالون الاسطي عز  ..الكرسي اللي جنبه حط عمو  الفقي..ايهما اعلام او سكرتارية سيان!!

نرجع لموضوعنا..محافظنا الهمام..رجع م الاجتماع سخن ..شايط..لازم خلال تلات شهور نعلن المحافظه بلااميه: لازم نطلع المحافظه الاولي..انا وعدت الهانم..ياروح امك ربنا يحميك لشبابك!!..

 اجتماع كبير..كل رؤساء الوحدات المحليه..وكلاء الوزارات..المديرين العامين..التعليم ..الصحه..الشباب والرياضه ..الخ..بحضور اللواء اركان حرب  رئيس جهاز محو امية  المحافظه..

ده بعيد عنكم..مثقف متعلم..استراتيجي..درس حتي مستوي..عادل وسعاد في الحديقه..امكانيات المحافظه كلها: تحت ايديكم..مكافات ..حوافز.. السلطانيه..احمدك يارب..الوحيدين اللي بدون حوافز الدارسين ..الجهلة..بياعين الخضار..المزارعين..بلوشي..تروح لهم..يسألوك :بعدين حتعينونا_ لا..طيب بس عشان خاطرنا...وعشان خاطر ندي مكافات لقرايبكم المدرسين..بالعافيه نكتب اسم الجاهل..نسلمه الكتب..يوم الامتحان..لمينا الجهلا  بطلوع العين والروح وبوس الايادي..عشان خاطرنا..لتخرج لنا اوراق الاجابه بيضاء من غير سؤ..

الاستراتيجي رئيس جهاز الامية  زعلان..لازم نساعدهم..اخوكم غشيم وحمار: لا طبعا..كل الزملاء الاعزاء نتيجتهم ١٠٠٪ الا محسوبكم  الجاهل..النتيجة ١%

اجتماع عام لتقييم التجربه..الكل سعيد يباهي الامم يوم القيامة الاالفاشل..الناجح ياكل دردمه والساقط يلحس ف البرمه..المحافظ علي شويه يقلع المنتوفلي اللي في رجله  يضربني..اهبل طبعا وغشيم..

قرر السيد اللواء المحافظ اسناد مهمة محو امية المركز لجهاز السمع والطاعه..جهاز الانجاز..

تولي المسؤليه السيد مامور مركز الشرطه خلفا لي..بمعاونه احبابه المخبرين ..المسجلين خطر.. سرقات..اللي يعرف يكتب للي ميعرفش..

النتيجه المركز بلا امية  ..احلي من الشرف مفيش!!