خدعوك فقالوا..لدينا قبلية ..القبلية باختصار..عناق الجهل مع الانانية!!

في ناس قرع في كل بلد..القرعة تحب تتباهي بشعر بنت اختها .. تتفشخ ..تقعد توصف ف شعر الغالية بنت الغاليين!!

اضافة لتواجد كتائب من الشباب خريجي الاكاديميه الدوليه للابقار والجاموس في كل البلاد والعائلات بغير استثناء..رافعي شعارات بالروح بالدم نفديك ياواد العم!!

يصحوا م النوم يوماتي.. يدوروا  في صوامع الغلة الطينية القديمة..تحت مداور البهايم عن جلد غزال اوجلد حمار مفيش فرق

..تركه الجد الكبير ليبصرهم باصلهم الكريم طبقا  لجرد العيلة المصونة ..يوضح لهم اولاد عمومتهم المنتشرين في كل بلاد المعمورة..رغم ان نسابتهم المؤتمن والخبير باصولهم العالية ..مجمع الاحباب.. في حالة خصومة دائمة ومشاكل مع اخوته وابناء عمه داخل قريته ومسكنه!!

يراعي ان ينتهي نسبهم وجدهم الاكبر..المنحدرين من صلبه الطاهر باحد الصحابة العشرة المبشرين بالجنة وليس سواه!!

لاتنسي : معظم افراد العائلة مسجلين خطر سرقات !!

في نفس الوقت ابن عمهم المحظوظ..محط انظارهم المجتمعين تحت رايتهم ..ملهمهم ..من يباهوا به الامم يوم القيامة .. لوكرمه ربك..لداس علي رقابهم بالبلغة القديمة...تركهم ومشاكلهم والنار مشتعلة داخل كل بيت !!

اعلم ياصاحبي:ان القبلية حمارة عرجاء يستعملها الاذكياء للوصول الي كرسي المجلس يوم الانتخابات..بعدين دوس واطلع امريكاني ع الخامس!!

لو حدث وسقط ابن القبيلة ..نيرانه لن تنطفئ ابدا بالذات لو نجح سواه من نفس قبيلته..الرجل القبلي  يتمني لو نجح كلب  ولم ينجح ابن قبيلته ..سيبكم من الكدب الفاضي ..كلام من عينة: الحمد لله في عين مفتحهّ .. كلام كدب في كدب.. ..فض مجالس!!

بصراحة الحزن وسط اولاد العم فرحة..ياسلام لما نسقط كلنا..عسل ياناس !!

اتعس الناس في بلادنا..من ترشح للانتخابات وسقط ونجح اخر من نفس بلده او قبيلته حتي لو كان الناجح اخوه او ابن عمه..هذا  من يستحق العزاء وان تطيب خاطره وتمسح دمعته ..وتطلب  من الله ان يلهمه ..الصبر والسلوان..

 القبلية هي المرادف الموضوعي للانانية..

 ساحكي لكم قصه شاهدتها بنفسي عندما كنت بالخدمة.. اجتمعت قريه ..يبدوا ان اصولهم واحدة..اجتمعوا لمناقشة مشكلة عامة..الاجتماع انفض. علي خير..عندما وقف احد شبابهم في نهاية الاجتماع ..طلب الكلمة.. ضارب سجارتين بانجو علي حبيتين صراحه من بتوع فؤاد المهندس في فيلم ارض النفاق ..عندما نهض....شكر المجتمعين ..ثم قال..تعرفوا احسن بلد في المركز مين..ردوا مانعرفش..قال لهم ..بلدنا دي..الناس اتبسطوا ..مدوا رجليهم اكتر..لكنه اكمل مستدركا: تعرفوا احسن عيلة ف البلد مين.؟؟.ردوا :مين؟؟

اكمل: كذا ..ذكر اسم عائلته..ناسيا بقية العائلات..انفض الناس..كل يلبس مركوبه ف الشارع 

..يخطف عصاه المعوجة غاضبا..لاعنا سنسفيل الخطيب وعائلته...

لم تبقي الا عائلته.. اكمل :اقعدوا ..اسمعوا للاخر..ليهبط بالتسلسل ..لاصحاب المجد والفضل ذاكرا جد جده..ثم جده وكل مره يتكرر خروج القوم..ليتحفنا اخيرا ..ان خلاصة العطر الفواح في البلد .. ابوه طيب الذكر ..ليهتف في النهايه ...بخاتم الزعماء الميامين ...تعرفوامين احسن واحد في البلد دي ؟؟

ليطلب الخمسة ستة اخوته المتبقين اجابته.. 

يرد بمنتهي الثقه متطلعا لعيونهم  : انا..انا..

نعم انه ..خطيبنا وفقيهنا .. كابر عن كابر...

القبليه ابنة الانانيه..لوكان القوم يعقلون!!