أحمد جمال علي مناع 

محمد عبد العال علي 

بهاء الدين زكي

دول شباب قرر ضابط شرطة " مصري " . . . . اه والله مصري . . .  انه يقبض عليهم لما شافهم بيحرقوا علم الكيان الصhيوني بعد صلاة العيد .

انا هنا مش ناوي اتكلم عن نبل ووطنية وكرامة الشباب ، لأن أولا ده أمر مفروغ منه وذكره لن  يزيد علي ما عندهم - فضلا عن انه أمر يعرفه أي شخص قريب منهم وثانيا لأني شايف ان اللي عملوه ده المفروض أي شخص عنده مبدأ وشايف نفسه صاحب قضية كان هيعمله . . . بس مش كل الناس عندها قدر ما عندهم من شجاعة .

اللي أنا عاوز اتكلم فيه او اسأل عنه . . هو ازاي سيادة الظابط الهمام حافظ الأمن والنظام من سالف العصر والأوان طاوعه ضميره يعمل الجريمة دي ؟!!!!!

ازاي قدر شيطانه يقنعه انه يقبض علي ناس بتجهر بعدائها لعدونا التاريخي " الكيان الصhيوني المجرم المغتصب " ؟!!!! 

طيب ازاي يبقي الموقف الرسمي للدولة وللنظام اننا بندعم اشقائنا في فلسطين وبندين العدوان والغارات علي غزة ، بل ورأس الدولة قرر إرسال  المساعدات المادية وعربات الاسعاف للقطاع وشدد علي اعتبار هذه العربات بمثابة مركبات عسكرية ثم يقوم أحد افراد الداخلية بالقبض علي شباب دعموا ما ادعى النظام دعمه ؟!!!!

طب لو سيادة الظابط اخطأ وغار علي علم الاعداء وقبض علي من حرقه ، ازاي النيابة متداركتش الأمر وصححت هذا الموقف المشين المهين وافرجت عن الشباب خصوصا وان الفعل في حد ذاته لا يمثل جريمة ولا عقاب عليه ، ده لو هنتكلم من ناحية قانونية بحتة بعيدا عن الوطنية والانتماء وتبني القضية والكلام اللي مبيعجبش بعضهم ده ؟!!!!

في الحقيقة اندهاشي من موقف النيابة العامة كان اكبر من اندهاشي من التصرف المخجل لظابط الواقعة ، كنت متخيل ان الشباب دي هتطلع من النيابة بقرار اخلاء سبيل بعد اشادة بفعلهم ونبل موقفهم . 

النيابة قررت حبس الشباب اربع ايام علي ذمة التحقيق والأدهى ان غرفة المشورة جددت لهم الحبس 15 يوم كمان !!!!!!!! اللي بيحصل ده صادم جدا . . الأمر مرعب ، احنا جرا لنا ايه ؟!! وازاي بقينا كده ؟!!! احنا بوصلتنا رايحة فين ؟! ده اذا كان لسة فيه بوصلة 

فين نخوة زمان وغيرة زمان ، فين الوطنية اللي كنا بنشوفها في عين المسئول قبل المواطن فين نموذج ضباط قسم شرطة الاسماعيلية اللي وقفوا في وش الاحتلال ؟!!! 

حقيقي حالنا بقى مخيف ومرعب لدرجة كبيرة ومبقيناش مفهومين حتى لنفسينا .

الموت للكيان الصhيوني 

المجد للقابض علي مبادئه 

النصر لأصحاب القضية 

والخزي والعار علي كل خائن ومتأمر وداعم للاحتلال عمداً أو جهلا .وائل ربيع المحامي .. 

#الحريةلأحمدمناع

#الحريةلمحمدعبدالعال

#الحريةلبهاءالدينزكي