دقيت على طبلتى 

على طبلتى دقيت

و صحيت على ندهتى

و بندهتى صحيت

يا قلوب ملاها الشوق

للعدل و الحرية

يا طريق و مليان شوك

أرواحنا لسه عفيه

الفجر نوره و نداه

جوه زهور شيلاه

تنشر عبيرها ف هواه

تملا حياتنا حياه

 دقيت على طبلتى

من قلب حلم اتولد

مسحراتى ليلاتى

سارح بطول المدد

الصوت بيرجع صدى

و الصبر ابن الجلد

بدد يا نور عتمتى

طبطب على طبلتى

يروى الندى سكتى

و الحلم يطرح بلد 

***

" لكل فجر أوان " 

 رسمت شجرة و بيت

و فتحت باب الحلم

لما لمحت الندى

على ورد أيامك

سنين تجرسنين 

و لا نحصد سوى اوهام

و روحنا متشعلقة

ف حبل م الاحلام

وكل ما تقربى

تشدنا التوهة

يا روحنا مجروحه

بلسمها منك فيكى

يا غنوة العشاق

موالك المشتاق

لبكرة بينادى

يا كبدى يا ولادى

مهما يكون الويل

الصبح بعد الليل

لمو القلوب الطيبة

واتجمعوا بأدان

م المادنة حتى الميدان

لكل عتمة نهار

و لكل فجر أوان

دقيت على البيبان

و ندهت من قلبى 

لبى الندا لبى

مسحراتى الوطن

و الحلم و الموال

يا اه 

يا عين

يا ليل

الاوله خادعين

و التانية مخدوعين

و التالتة ثابتين

الاوله خادعين و السكة عتمة و ضيق

و التانية مخدوعين و الظلم ليله غميق

و التالتة ثابتين و الرؤية نور و طريق

الاوله خادعين و السكة عتمة و ضيق و لكل عتمة نهار

و التانية مخدوعين و الظلم ليله غميق و لكل ظلم مدار

و التالتة ثابتين و الرؤية نور و طريق و النصر للأحرار 

مسحراتى و انادى

يا ولادى يا احفادى

رمضان كريم

شهر و عظيم

فيه العظات و المعجزات 

و الإنتصار

الفجر لازم يولد نهار

و الصبح مولود من نور و نار

مسحراتى و ف انتظار 

الأمة ترفع راية انتصار

رمضان كريم

يا نايم إصحى

وحد الرزاق