هنا (منى زكى ) فى لعبة نيوتن أتجوزت على جوزها !لاء وأية كتبت أبنها منه بأسم جوزها الجديد !وكمان فين فى أمريكا !!

آه والله زى ما بقولك كدة !!

ومدير المركز الإسلامى كان بيشرب ويسكى وهو ممسكا بالمصحف والسبحة!! حتى ولو على سبيل إثبات زيف الشخصية أو تناقضاتها، المشهد غير مقبول وغير معقول !!

أما مالوش كبير ...فكل حلقتين غزل (ياسمين عبد العزيز )تتخطف! مرة من جوزها ومرة تانية من البلطجى العاطفى الطيب !إللى بيحبها

 !وجوزها الملياردير تاجر السلاح مش قادر يا عينى ! يستغل نفوذه ويرجعها !! 

ومشاهد الخطف المتبادل مع العنف وتهديد الخصوم بأسد حقيقى مع ملامح ياسمين والعوضى تشعرك بأنك أمام دراما هندية مقتبسة من مغامرات وأعمال الممثل الهندى  شاروخان!

والحقيقة توجد  حالة تطبيع من عدة أعمال ومن عدة سنوات مع نموذج البلطجى الجميل  

!!وطبعا رائد هذا التطبيع نمبر زفت !! بحيث أصبح البلطجى قدوة ونموذج للبطولة لعدة أجيال !! شفتم   تخريب أروع من كدة !! 

إما القاهرة كابول فها نلتقى ببن لادن المصرى (طارق لطفى )! بيقتل مراته بالرصاص  من على بعد  2متر وتسقط من أعلى جبل ولكنها لا تموت وتعود لتنتقم!!!

وهناك شاب بدين محبط ينتحر بإلقاء نفسه من أعلى كوبرى قصر النيل ولكنه لا يموت أيضا!لأنه يجد مراكبى فى نفس اللحظة وفى الليل 

! ينتشله ولا يموت !!وإنقاذه هنا يحتم  وجود عدة  معجزات أولها أن يوجد ثلاث مراكبية أشداء على الأقل فى نفس المكان ونفس اللحظة لأن وزن المنتحر يتجاوز ال 120كجم على الأقل !!

إللى قام بالدور ممثل موهوب جدا فعلا.

وفكرة أن بن لادن يبقى مصرى فكرة غريبة وشريرة وتسئ للعمل وفكرة أنه هوه وفرج فودة ويسرى فودة (ودول مش أخوات !!)

يكونوا أصدقاء طفولة فكرة مضحكة وغير منطقية لأن أعمارهم مختلفة و بن لادن سعودى !!

وفى زكى زاهى زركش عندنا ثرى مسن فلاتى فى الثمانين  يبحث عن أبنه الحقيقى و هناك ثلاثة أبناء يتضح لهم فجأة أنهم لقطاء!! 

فى الإختيار 2وهو أفضل الأعمال فى تقديرى ..يمكنك أن تتسأل هل ممكن فى خلية إرهابية سرية تجد فى جيب  أحدهم  ورقة فيها أسم شخصية كبيرة مستهدفة للإغتيال

!يعنى مش ورقة فيها أسم كودى مثلا أو الحروف الأولى من أسم الشخصية المستهدفة ولا حتى مثلا بتكتب على اللاب فى فولدر مخفى

 !!لا ورقة وفيها الأسم والمنصب !!هو الإخوان ومن لف لفهم أغبياء أكيد  لكن مكنتش متصور غبائهم نقى وعظيم للدرجة دى !!ده بفرض أن ده ما حدث فى الواقع وليس تصرف من المؤلف .

كل المسلسلات فيها عجائب وغرائب أعظم ولكنى أتحدث عما تابعته ...

والحقيقة أغلب المؤلفين لازم يتعرضوا لإختبار لقواهم العقلية ،وكشف تعاطى المخدرات لأن الهلاوس الصادرة منهم لا مثيل لها وتوحى بأن المخدر مغشوش!!