مين الي قالك تدخليني تبيتي

وتفتشي جوه الزحام

الحلال والحرام 

والصحاب الممسوسين 

مين الي قالك تدخليني

تفسري نقش الحيطان

انت ومصر

جوه القلب بتعصرو عصر

على قد ما تقدر

لم الجرح

قفل عينك عل كل 

جرايد مصر

بيع التحف

البنات البكر والحلوب

الأمهات في البيوت

وقلوبها تتفرفط وجع

والجدع الي اتعلم

ضرب الرصاص ع الخلق

وجهاز الموساد المصري

لو تقدر

افتح كنز سليمان 

وسوس بسوسك

في الارض الحبلى تاريخ

تبقى الخاين

والبايع

والمحمي

كلها أسماء ياحببتي

حتعدي في يوم وتفوت

وابقالك وابقى انا وانتي

ضلين على شجر التوت

ياحببتي البحر مصاحب موجه

عاشق في السما رسمات

ياعيونك لما يفوته

قلبي يعطش ويبات

على حضنك توسعلي الدنيا

وتعدي حاجات وحاجات

اقلع توبي

البس توب الامرا

اعمل مركب 

جوه الصحرا

وابعت قلبي

يعسكر فوق القلعه

وأطلق حسي

من أقرب برج حمام 

اعمل شعب لوحدي 

على حضنك وينام 

البحر