بجد مش قادره افهم سبب "الطناش" الرهيب ده ..

الحكومة ...و الناس كمان ..بيتعاملوا بدرجة رهيبة من التجاهل لكارثة الاصابات و الوفيات المتزايدة حوالينا ..

و لا حتى بيقولوا كلمتين دعاية في الاعلام ..

و كأن كل الناس بتحاول تنسى كابوس الوباء 

بس الوباء مش "جار حشري و شراني" ها نتجاهله ..فيزهق و يسيبنا في حالنا ..

دة وباء محتاج لاجراءات علمية و خطة منضبطة للتعامل معاه ..

اللي حاصل ده خطر جدا بجد ..

العزومات و الزيارات شغالة عادي ..

محدش بقى بيلبس الكمامة إلا نادرا .. 

الناس عاوزه تنسى .. و للاسف عارفين يعملوا ده وسط كابوس الاصابات و الوفيات اللي حوالينا في كل حته ... مش فاهمة ازاي ؟؟؟؟

في دور على الحكومة لازم تعمله .. 

يشوفوا  الاجراءات اللي مش ها تأثر على الاقتصاد ..او ها تأثر قليل ..

حظر جزئي ..منع للسفر بين المحافظات ..

حملة جديدة للتفتيش على الكمامات ..

و أقل حاجة الدعاية .... محتاجين نفكر الناس ان لسه في وباء كارثة ..

و ان مهم  جدا ناخد حذرنا ..

و طبعا يا ريت نعلن أرقام الاصابات و الوفيات الحقيقية .. 

خلي اللي بيحاول يغمض ويتجاهل الحاصل يضطر يفتح عنيه و يواجه الواقع المرعب ..