من خلال صفحته علي منصة  فيس بوك كتب الدكتور هشام عيسى معلقا علي زيادة الضرائب المفروضة علي المواطن المصري

 قائلا إنها لا تحل المشكلة بل تزيدها تعقيدا  وقال الخبير الأقتصادي أنها تكون بمثابة بوابات للفساد 

 وقال الدكتور هشام نصا :المبالغة في الضرائب و الرسوم و غياب سيطرة علي الاسواق بيؤدي الي ارتفاع حاد في الاسعار

 و بالتالي انخفاض الدخل الحقيقي في مقابل انخفاض جودة الخدمة بمعني بيتم دفع مبالغ كبيرة في مقابل خدمة سيئة 

.او مفيش خدمة او في خدمة بسعر مبالغ فيه . الناس بتفاجأ بأعباء مستمرة غير متوقفه لمجرد انها عاوزه تقوم باي اجراء 

و ده بيضيع الحقوق لان في ناس معندهاش . في كتير من الاباء مش عرفين يبرروا قدام ولادهم عدم قدرتهم علي توفير متطلبات اساسيه  .

   بيكون الحل قدام مواطنين كتير انهم يفرضوا اتاوات او رشاوي بتسمي الشاي او الاكراميات علشان يقدروا يعيشوا في كل مكان 

 و غالبا الفرد بيدفع ده في مقابل خدمة دافع تمنها و من حقه اساسا اي رشوي للحصول علي خدمة من حق المواطن 

. في ضرورة ان وزارة التخطيط و المالية ينسقوا مع بعض لعمل نموذج مالي لتكلفة حياة المواطن و يربطوا الدخل بالاسعار . 

الدولة بتستلف و المواطن بيستلف و الفساد بينتشر لان مفيش تخطيط اقتصادي لاي حاجة

 و في حالة من الاستسهال لتوفير موارد الدوله من خلال الضرائب او اي رسوم او خلق حالة من المخالفات 

و الاخطر من ذلك التمادي في الضرائب لا يقابله خدمات اساسية اي تتحقق الضريبه في التحصيل و يغيب  دورها في الخدمة   .