بحاول من صباحية ربنا أمنع نفسي من الإشتباك في المعركة الدائرة حول دور مصر فى وقف إطلاق النار بين الفلسطنين  وإسرائيل 

ومش هتدخل علشان أعصابي 

لكن في نقطة واحدة مش قادر أمنع نفسي من التعليق عليها .. وهي لا تدخل في صلب الموضوع 

بالنسبة للإخوة المؤيدين اللي تبرعوا بالدفاع عن الدولة من منطلق إن مصر ملتزمه بإتفاقية كامب ديفيد 

مش ملاحظ إن السلام النفسي اللي انت فيه ده .. وقبولك أن مصر لازم تكون مؤدبه وتستأذن قبل أي حاجه على أرضها .. بيتعارض مع صلب أغنية (سينا رجعت كاملة لينا ومصر اليوم في عيد )

موقفتش مع نفسك مره وإستغربت ليه ثعلب المخابرات السادات اللي نيم إسرائيل من المغرب قرر بعد كده يعمل معاهم إتفاقية ميعرفش بموجبها يزود عسكري واحد في سينا بدون موافقة الطرف اللي المفروض إن إحنا هزمناه في الحرب ؟ 

طيب على سبيل الفضول عمرك ما سألت نفسك .. لو ده كله بسبب السلام .. مش المفروض يكون في إجرائات مماثلة على الجانب الإسرائيلي ؟؟

عمرك إستغربت ليه قوات المراقبة الدولية عندنا في سينا  ليه.. ومش موجوده  في اسرائيل ليه؟ 

عمرك تخيلت ان تغول الارهاب وخروج سينا عن السيطره ده كان بسبب ان عدد السكان بيزيد .. بينما الامن ثابت من السبعينات 

عمرك ؟؟

لا طبعا 

لا سألت .. ولا إستغربت .. ولا دي حاجه ضايقتك

بالعكس .. أنت انا بتشوف واحد بيسأل ... بتتصدم.. وتحطه علىطول في خانه الخونه

محضر ردود جاهزه زي (عدد القوات زاد ) و ( بقينا بنتحرك براحتنا ) 

لا يا راجل .. تعرف تقولي زاد بقى كام ؟ لا

الحكومه مش بتقوللك لان ملاكش لازمه .. وكده كده هتتبرع وتدافع عنهم

بس بتقول لإسرائيل وللعالم كله .. علشان هم لازم يوافقوا 

عقلك عاجز عن تفسير كل التناقضات دي .. 

عاجز عن فهم احنا ازاي بنحارب الارهاب .. والاسبوع ده اتعمل حفظ لقضية ممدوح رمضان اللي دبح ٢ قبطيات في الشارع 

عاجز عن فهم علاقة مبارك بالمرشد .. وتغلل الاخوان في الاقتصاد المصري تحت نظر مبارك

عاجز عن ربط السادات بالتطرف بالسلفية اللي  بتنهش. مصر لحد دلوقتي

مش فاهم احنا فقرا اوي وديونا عدت ال١٢٠ مليار دولار .. ولا اغنيا وبنبني جامع ب٨٠٠ مليون في الصحرا 

عاجز عن الفهم .. او رافض انك تفهم وتشوف 

لانك لو فهمت هتتصدم صدمة عمرك 

فعقلك بيحاول يحميك .. ويختارلك اسهل حل

الحل مش أنك تفهم.. لا .. انك تهاجم اللي هيسأل