تكبير الخط تصغير الخط

الفكرة بدأت بتصريحات وزير النقل وطلبه من البرلمان وضع قانون يفصل بيه الموظفين "الإخوان" من عملهم بالوزارة.. على حد تعبيره.. 

وبسرعة وخلال أيام لقينا البرلمان بيعلن عن قانون لفصل "المنتمين للجماعة الإرهابية" و"المحرضين ضد الدولة".. 

قانون مرعب وغير منطقي يحاسب الناس على أفكارها! طبعا بيحاسب على الأفكار لأن أكيد فيه عشرات القوانين اللي بتحاسب "الإرهابيين" أو المتطرفين.. مفيش احتياج أبداً لقانون جديد يفتش في الضمائر ويزيد من انقسام المجتمع ويستخدمه كل مدير أو صاحب سلطة ضد كل اللي زعلان منهم أو بيكرههم أو عاوز يتخلص منهم! 

القانون العجيب ده فيه نصوص بتحاسب الموظف بالفصل لو كتب "ضد الدولة" على مواقع التواصل.. ومفيش احتياج طبعاً إننا نقول إن فيه خلط مرعب بين الدولة والسلطة.. النقد بيكون ضد السلطة مش ضد الدولة.. والسلطة مش هي الدولة هي جزء بس من الدولة! 

الخلاصة: القوانين بتحاسب على "الأفعال" مش على "الأفكار".. القوانين مش بتفتش في الضماير والعقول وتشرد بلا حسيب ولا رقيب.. القوانين دورها تنظيم وتسهيل حياة الناس مش التنكيل بيهم وفصلهم من وظايفهم ووضعهم في السجون! 

شوية تعقل وحكمة يا ناس!