الحقوقية مني سيف تعقيبا على حكم حبس سناء عام ونصف حبس

مكلومة عائلة الحقوقي الكبير احمد سيف الإسلام فقد علمهم الاستاذ الحق والحرية والعدل فكان نصيب العائلة الحبس و الظلم والألم لمن هم خارج السجن والان بعد حكم المحكمة بالحبس سنه ونص على سناء سيف أصبح نصف العائلة داخل السجن الصغير في زنازين السيسي علاء عبدالفتاح الابن الوحيد.. وسناء سيف أصغر أبناء العائلة.. أما خارج السجن الان الدكتورة ليلى سويف الام ومني سيف الابنة الكبرى للعائلة... ذهبوا اليوم الي المحكمة وكلهم امل ان تخرج سناء صغري بنات العائلة ولكن كان الحكم الذي مثل صدمه عنيفة للأسرة فلم تكتب ليلى سويف تعليقا على ماحدث لكن اخت سناء مني سيف تمالكت نفسها وكتبت على وسائل التواصل نص الحكم ثم عقبت على الحكم قائلة

كل ظلم بنتعرض له مسؤول اساسي عنه -غير طبعا السيسي رأس الدولة اللي بتفرم القانون والحقوق كل يوم دي- النائب العام المستشار حمادة الصاوي. هو اللي تجاهل كل بلاغاتنا وسمح بتصعيد العنف ضدنا، هو اللي طلق ايد امن الدولة والداخلية علينا، و هو اللي تجاهل كل مناشداتنا للالتزام بلائحة السجون والقانون فاضطر امي تروح تبات في الشارع قدام طرة عشان جواب من علاء

المستشار حمادة الصاوي مسؤول تماما عن استمرار الظلم واهدار حقوقنا بالشكل الفج ده

مش ها سامح وهافضل احكي على جرائمكم وتخاذلكم عن أداء وظيفتكم الحقيقية وهي حمايتنا وضمان حقوقنا. اتمنى في يوم تتحاكموا كلكم على كل مواطن وبني ادم اهدرتوا حقه وشاركتوا في ظلمه، ولحد ما ده يحصل هادعي عليكم كل يوم

النائب العام - المستشار حمادة الصاوي

القاضي مدبولي محمد كساب، اللي شاف بنفسه ان سناء مجني عليها وان اسرتنا طلعان عينها ورغم كدة أمر بحبسها سنة ونص

محمد النشار، الامين هشام والامين احمد اللي شهدوا زور

وطبعا طقم ادارة شديد الحراسة ٢ بالمأمور ورئيس المباحث وضابط الامن الوطني احمد فكري المسؤولين عن كل انتهاك تعرض له علاء

يا رب عدلك، وخرجنا من المكان الكابوسي ده بني ادمين قلوبنا لسة مصدقة في الحق والعدل والامان لكل الناس.. واسفة اوي انكم مضطرين تحتملوا كل الظلم ده ... علاء عبدالفتاح.. سناء سيف بحبكم