أم الخير 

.

مسحراتى.. أدُوْر ليلاتى.. 

على الحواري.

. وعلى الكفور 

وأمي لسَّه.. فلاحه تسعى.

. فى جنينه واسعه.. من الزهور

البدر نوّر ..على بابها نقّر.

. طلعت تشقَّر.. على الطيور 

لقت يمامه.. بتقول ياماما.. 

عاوزه بيجامه.. زى الناطور 

وأرنبتها .. م الجحر باصّه..

 لقيتها خاسّه.. إديتها خَسّه.. بدل السحور 

فرختها بايضه.. في الخُن راقده.

. عايزه مساعده..

 حاسبي يا عايده.. 

ديكها غَيور 

غسلت كرنبه.. على الطرمبه.

. بإيد تدَفّع.. وإيد بترْفع.. غطا الماجور 

فى ساعه واحده .

. يخمر عجينها..لكن جنينها 

.. تسع شهور 

لفت ودارت .. كنكتها فارت..

 على الوابور 

ضحكتها واسعه.. وولادها تسعه.

. فى الخير بنسعى.. نوْفي الندور 

ناديه وتوحه.. ياكلوا ملوحه.

. قبل السحور 

وحمدى أوسطى.. صوته جَهور..  

وأخته بطه.. بدر البدور 

وأخوها مجدى.. بنى وأسس..

 عامل مهندس.. يبنى جُسور

ورجب آخرنا .. قلبه شاعرنا 

.. رفرف يا طيرنا .. على البحور 

.

وابويا قايم.. في الفجر يدعى .. 

ويقول يا عالِم

حلمي ومنايا.

. آخرة شقايا .

. تجعلها فرحه 

اصحى يا نايم..

 يا نايم اصحى

رمضان كريم 

.