اللي حصل النهارده في مستشفي جامعه بنها ملحمه طبيه بكل المقاييس ابطالها شباب الدكاتره المحترمين 

تم تبلغينا في الاستقبال ان في حادثه خروج قطر عن القضبان في طوخ واستقبلنا حالات تبكي 

ناس مقطوع رجليها وناس عندها جروح في الرقبه وجروح خطيره وكسور 

تم التعامل معه بكفاءه عاليه وقدرنا نسعفهم ودخلوا العمليات في اقل من ٥ دقايق والحمدلله كانت النتيجه عندنا بلا وفيات 

المفرح في الموضوع تلاحم اطباء الجراحه والعظام والتخدير والعنايه والتمريض المحترم  في انقاذ الحالات 

شويه ولاقينا عدد الدكاتره اكتر من الحالات وكل الناس حابه تساعد بشكل جميل جدا 

تلاحم الناس مع بعضها بغض النظر عن الكوراث بيعلمنا قد ايه الشعب ده عظيم بدون لقطه او صوره كله بيعمل لوجه الله فقط 

شكرا لكل اطباء مستشفي بنها الجامعه وباقي مستشفيات المحافظه علي المجهود ده اللي اتشرف اني كنت جزء منه ويجعله في ميزان حسناتكم