11فبراير 2011تنحى مبارك وبدأت صفحه جديدة فى حياة احمد عبد العاطى مدير مكتب محمد مرسى قبل عزله  تختلف عن سابقاتها فى كل شىء بعد أنتقل عمله من الظل للنور  ومن مسئول مكتب تركيا الى مدير الحملة الانتخابية للرجل الاقوى فى الجماعة والذى رفضت اللجنه العليا للانتخابات ترشحه فما كان من خيرت الا ان قرر ان يحكم من الظل ووضع عبد العاطى على راس حمله مرسى واصبح مدير حملته الانتخابية  وبعد فوز مرسى اصبح عبد العاطى مدير مكتب رئيس الجمهورية  ومن موقعه بدا عبد العاطى تنفيذ مخطط الجماعة بشكل عام ومخطط التنظيم الدولى بشكل خاص  أحمد عبد العاطى لغز من الغاز جماعه الاخوان  رغم صغر سنه فهو من مواليد 

أكتوبر 1970 بمدينة الزقازيق محافظة الشرقية حاصل علي بكالوريوس العلوم الصيدلية 

الا  أنه أحد كوادر التنظيم الدولى للإخوان المسلمين، ومسئول تنظيم طلاب الإخوان العالمي، والأمين العام السابق لـ “الاتحاد الإسلامي العالمي للمنظمات الطلابية” قبل أن يصبح أحد حاملي مفاتيح ملف النقابات. 

وامام رئيس نيابه امن الدوله جلس احمد عبد العاطى يتابع فض احراز قضيته وتفريغ اتصالاته مع محمد مرسى  

اتصال هاتفى بتاريخ 26/1/2011 الساعة 6 مساءً بين قيادى التنظيم محمد محمد مرسى العياط، المأذون بتسجيل اتصالاته السلكية واللاسلكية، مع قيادى التنظيم بالخارج أحمد محمد محمد عبدالعاطى، الذى كان على اتصال به الساعة 5٫55 مساءً.

■ محمد مرسى : السلام عليكم .

■ أحمد عبد العاطى : عليكم السلام ورحمة الله وبركاته .

■ محمد مرسى : بقول لحضرتك الإخوان جزء من الحراك العام الموجود وإن الحراك ده مستمر وهو شعبى تلقائى من نسيج المجتمع كله وإن الأصل فى الموضوع أنه يتحقق ما يلى .. واحد اتنين تلاتة أربعة .

■ أحمد عبد العاطى : تمام ، بس فيه نقطتين ، الأولى بلاش حضرتك نصدر موضوع الإخوان .

■ محمد مرسى : لا ، هم السؤال كده . 

■ أحمد عبد العاطى : ماشى ماشى ، هم هيقولوا موقفكم يه ؟ إحنا نقول الأول نبعت رسالتين مهمين قبل ما نقول الموقف فى أقل من نصف دقيقة، الأولى : إننا بنحيى هذا الشباب الذى خرج من تلقاء نفسه ليعبر عن نفسه فى ظاهرة جديدة يشهدها الشعب المصرى .

 محمد مرسى مقاطعاً : هذا الشعب ، خاصة الشباب ، أفضل من الشباب بس .

 أحمد عبد العاطى : آه ماشى نحيى الشعب المصرى على هذه الإيجابية ، وده دليل كذا وكذا، التانية : إننا بنترحم على أرواح الشهداء بما فيهم شهيد الشرطة ، لأن هؤلاء ليس لهم ذنب، ولكن دول نتيجة البطش الذى حصل، وهذا أمر مستنكر وغير مقبول بالمرة ، بعد كده نقول الحقيقتين اللى حضرتك قولتهم . الأمر الثانى النظرى : يا ريت حضرتك لو رايح ببدلة بلاش كرافتة ، يعنى الموقف يحتاج «كاجوال» أكتر منه كجزء من موجود .

ملحوظة : قام قيادى التنظيم محمد محمد مرسى العياط بعمل مداخلة مع قناة «بى. بى. سى» العربية فى تمام الساعة 6٫30 مساءً ؛ حيث تم تقديمه بأنه عضو مكتب الإرشاد بجماعة الإخوان المسلمين والمتحدث الإعلامى باسم الجماعة ، وأشار إلى ضرورة استجابة النظام الحاكم الفورية للمطالب الشعبية التى رفعتها مظاهرات 25 يناير ، وأضاف : 

وإن الإخوان حريصون على مشاركة الشعب فى فعاليات المطالبة بالإصلاح واستمرارها حتى تتم الاستجابة لمطالب الشعب ، موضحاً أن الإخوان لا يريدون أن ينفردوا بأى فعاليات ؛ لكونهم جزءاً من الشعب المصرى ، وعندما قلنا إننا لا نمنع أحدا من شبابنا من المشاركة فالصورة كانت واضحة وشارك شباب ورجال «الإخوان» ونوابهم السابقون بصورة مشرفة فى هبّة سلمية استطاعت أن توصل رسالتها .. 

اتصال هاتفى بتاريخ 26/1/2011 الساعة 6٫39 مساءً بين قيادى التنظيم محمد محمد مرسى العياط ، المأذون بتسجيل اتصالاته السلكية واللاسلكية ، مع قيادى التنظيم بالخارج أحمد محمد محمد عبدالعاطى ، الهارب بدولة تركيا .

أحمد عبد العاطى : تمام كده .

 محمد مرسى : وصلت الرسالة ؟

أحمد عبد العاطى : آه وصلت ، وكويس إن حضرتك قلبتها فى الآخر ؛ لأن هتدخلنا فى سكة مش وقتها يعنى .

 محمد مرسى : بس هو عارف إن الخط التليفونى انقطع .

 أحمد عبد العاطى : لا ما أنا عارف .

 محمد مرسى : الولد اللى كان موجود شاطر قلبها اتصال عبر النت على طول ما تعرفش خط التليفون قطع منين .

 أحمد عبد العاطى : عارفين قطع منين .

 محمد مرسى : آه ، بس أنا بقيت حاسس إن ربما سيكون الصوت مش واصل ، أنا بسمع الصوت شوية، هو كان فى الأول واضح جداً بس هو كويس إن الرسالة كانت واضحة .

 أحمد عبد العاطى : لا لا بالعكس يا أخى ، ده كانت عاوزة تقطع كمان فى الآخر ، استرسال حضرتك ما مكنهاش من إنها تقطع .

 محمد مرسى : هو الانقطاع كان من هنا ؟

 أحمد عبدالعاطى : أيوه بس بقول لحضرتك «أبو أحمد» طالع بعد ساعة على قناة «العالم» هيقعد ساعة .

 محمد مرسى : يا نهار أبيض .. هو سمع الكلام اللى أنا قلته ولا لأ ؟

 أحمد عبد العاطى : حتى لو سمع هو محتاج حد يقول له: 1، 2، 3.. هو ممكن يكون فى المكتب أو على الموبايل أنا بقول له طيب والناس متواصلة وتتابع فقال لى حساسية الاتصال دلوقتى ، فقلت له : طيب إحنا هنعمل إيه على الأرض ؟ فقال لى : إحنا هنا ، هيبقى فيه وجود بشكل يومى حتى لو بأعداد قليلة عند السفارة .

 محمد مرسى : لا يا باشا ، إحنا عاوزين توصل قمتها يوم السبت متزامنة فى الكل وإحنا بلغناهم والمفروض إن الأخ محمد يكلمه، هو كلمه ولا ما كلمهوش ؟

 أحمد عبد العاطى : ما سألتهوش ، بس هو الظاهر إن ما حدش كلمه .

 محمد مرسى : هاخلى «د. محمد» يكلمه تانى ، أصل إحنا النهارده متفقين إن إحنا رايحين الجمعية دلوقتى ، وهنقول لهم إحنا عندنا توجه علشان أصلهم بيحاولوا يتنططوا ويعملوا مؤتمر صحفى لوحدهم فقلنا الكل مع بعض وإحنا بندعو الكل والجمعية المفروض تدعو إلى أن الشباب يتحرك وإن يوم الجمعة فيه وقفة عامة على المستوى الجغرافى كله ، وهذا من الساعة الواحدة الغطاء اللى يشوفه اللى واقفين على أن يكون آخر ضوء هو الدليل علشان زى اللى حصل إمبارح ، وبعدين نتفق على ما بعد ذلك ، لكن هذا المفروض الجمعية تتبناه بعد ساعة وإلا إحنا بنقول إحنا ماشيين معاهم وهم يمشوا معانا .

 أحمد عبدالعاطى : هو الوجود فى مركب واحدة بأقل قدر من الاختلاف أولى من أى حاجة أخرى ، لأن اللعب هيبقى على الوتر ده عالى جداً ، دلوقتى سياسة «فرق تسد» هتشتغل ، الحاجة التانية دى نقطة جوهرية اللى أثارتهم مين اللى كان موجود دى نقطة صمام أمان فى الموضوع لو مفيش حد كبير دايماً موجود ومعروف للناس تعرف ترجع له الشباب الصغير مش بيعرف يتكلم مع الناس دى، سواء أيمن نور أو غيره ممكن فى الآخر ما يبقاش له صوت مسموع فى وسطه حتى وإن كان هو صوته عاقل بين عينينا فشوفوها بقى بس أنا شايف حد زى البلتاجى والدكتور عصام .

. محمد مرسى : كانوا موجودين ، أصل إحنا خايفين من إن فيه 2 أو 3 لو وُجدوا يدوا الانطباع على طول فى مسألة ركوب الموجة ، بس لكن إحنا قابلين ما دون هذا .. إن إحنا امبارح كانوا موجودين إخوانك زى ما قلت لك بس هى فى اتساع الساحة وطبيعة اللى بيصور بيصور فين، لكن كانوا موجودين إخوانا لغاية الساعة 12 بالليل بشكل معقول ولكن نؤكد عليها .