تكبير الخط تصغير الخط

وما ان اعلن عن زيارة وزير الخارجية القطري للقاهرة والاعلان عن دعوة للرئيس السيسي لزيارة الدوحة الا وانقلب الشارع السياسي المصري أسئلة وإجابات وهرج ومرج في ظل الضبابية والإجابات الرسمية المبتورة الغير واضحة ... فتجد بسطاء المصريين  يتساءلون ... يا تري مين سيكون في الوفد الإعلامي المرافق للريس في الزيارة ... هياخد احمد موسي معاه ... ولا توفيق عكاشة ... لميس يا تري هتجيب لقاءات مع تميم وتذيعها علي قناة العربية ... عمرو اديب هيدعوا رجال أعمال قطريين للاستثمار في مصر ويزعل تركي آل شيخ ... وممكن الفطيم يتقمص منك ياعمورة ..  واللي يقولك الحق يا جدع امسك يا جدع المذيع محمد الغيطي يطالب بفك أسر قائد الاسطول السادس الأمريكي ليرافق الريس في زيارة قطر ... وممكن لدعم الزيارة نطلع الفريق أحمد وصفي ليعلن ان سينا تيممت ولم تتوضئ بسبب ترشيد استهلاك المياه ويؤكد كلامه وزير الأوقاف مختار جمعة بأن التيمم صحيح طالما كان لابس الميري ... طب يا تري الاخ سامح كشري هيحدف ميكروفون الجزيرة وهو في قلب الدوحة ...ولا يحدف ميكروفون إثيوبيا توداي ... طب ايه بخصوص هاشتاج قطر بنت .. هنقبض عالواد اللي عمل الهشتاج لتدعيم الزيارة و لا حملات الآلش علي قطر اللي اد علبة الكبريت .... وممكن نفكر خارج الصندوق احنا نعمل لقاء سحاب  بين مرتضي منصور وضابط المخابرات القطري أبو سنيدة ونصفي الخلافات  اللي بينهم الاول ونمسح الشات من موبيل مرتضي  وينظموا هما الاتنين جدول زيارة الريس ويكون ده دليل علي حسن النوايا بين البلدين ... و لو عاوزين رائي يعني لو لي رأي احنا ناخد نوارة نجم مع الوفد المرافق للرئيس واول ما ينزل الريس من الطيارة ويسلم علي تميم ... تصرخ نوارة ... مبروووك لمصر مفيش ظلم تاني شكرا لقطر شكرا لقناة الجزيرة ... شكرا لقطر ... شكرا لقناة الجزيرة وممكن كمان الوافد المرافق للريس يعملوا الهتاف ده كود تون لتليفوناتهم ... 

 اومال لما الريس يزور أنقرة ويدعو اردوغان لزيارة مصر هتعملوا ايه ...

المطبلاتية يمتنعون عشان مخزون مرهم البواسير علي وشك النفاذ ... ا