وهكذا يا ساده عادت دولة المماليك بعد أكثر من 500 سنه من جديد !!

تاريخ البلد دى بيقول كده ان المصريين ما بيعرفوش يتخلصوا من طاغية بايديهم لازم يجيى حد من بره هو اللى يخلصهم !!!

مش هروح لبعيد اووى من ايام الهكسوس والاغريق والبطالمه والرومان.. .

توء توء توء خالص ...

خلينا نبدء من الفتح الاسلامى اوك؟

المصريين ساعدوا عمرو بن العاص عشان يخلصهم من الرومان دى حقيقه تاريخيه مش هنقدر ننكرها لان جيش عمرو بن العاص كان بمثابة كتيبه او سرية صغيره وبمساعدة الاقباط اللى كانوا مضطهدين وقتها من الرومان قدر عمرو بن العاص يفتح مصر ...

وخد عندك بقى الدوله الطولونيه والاخشيديه والفاطمية والايوبيه الى ان وصلنا لدولة المماليك تمام كده ؟

المماليك يا ساده هم فى الاصل عبيد او رقيق استجلبوا من شتى بقاع الارض وبقدرة قادر وصلوا لحكم المصريين وهات يا افترى وظلم وسخره واكل سوحت للمصريين اللى هما اصل البلد واهلها !!؟ مركز معايا ؟ اه وربنا سيف الدين قطز والظاهر بيبرس وقلاون وقراقوش وبرقوق كانوا مماليك !!

كان اللى بيتحكم سونقر الكلبى قائد الدرج واللى بيفتى القاضى حلاوه واللى بيحكم الوالى حبظلم :) والمحكوم هما الحرافيش (أهل مصر) ...

على فكره الشخصيات دى كانت من مسلسل شوفته وانا صغير بطوله فاروق الفيشاوى وابو بكر عزت كان اسمه على الزبيق  المشهد اليوم بيفكرنى بشخصيات المسلسل ....

الجيش والشرطة هم سونقر الكلبى

والسيسى هو الوالى 

على جمعه القاضى حلاوه على فكره اللى كان بيجسد شخصية القاضى حلاوة هو حمدى احمد بتاع القاهرة 30 محجوب عبد الدايم !!

الاعلام هو المنادى ابو طبله اللى كان بيلف البلد على ضهر حماره يبلغ الاوامر 

والحرافيش هما عامة الشعب او اى حد مش من الحاشية او من اصحاب المصالح 

وعلى الزيبق لسه ما تولدتش !!