وفي زحمة الحياة نمشي ونقابل كتير 

ويمر الزمن بينا  وتعدي سنين العمر 

سنين كنّا  بخيالنا نشوفها بعيد 

ونحلم بيوم  تجي فيها السنين 

ولما تيجي نحاول نمسكها 

ونقول ياريت تفضل موجودة 

بخيالنا نتمني ما تمشيش السنين 

لكن تسيبنا وتمشي وتعدي علينا 

وتمر الايام والسنين تجري 

ونتوه بين زحام الشوارع 

وزحام الحياة 

يعدي قطرنا 

يسيب محطة 

يروح لمحطة تانية وتهرب منا الايام 

لا نحسها ولا نحسبها 

يعدي قطر الحياة من محطة لمحطة 

وكلنا يستعجل المحطات 

ولا نحس اننا بنسيب محطات اجمل نروح لمحطات 

جايز تكون مش اجمل 

وتعدي سنين العمر 

ونتوه وسط الحياة 

تعدي علينا ليالي 

ويعدي بشر 

وتتوه وشوش الناس من الذاكرة 

مين كان هنا

مين كان هناك 

في الشارع ده 

في البيت ده 

ع الكرسي ده 

وننسي ملامحنا الأولي 

وملامح ناس تانية 

نتقابل في الشوارع 

نتقابل في الحارات

يمكن ماًنعرفش بَعضُنَا 

ونقف نحاول نجمع ملامح زمان 

نحاول نعرف 

جايز نعرف 

وممكن ما نعرفش 

 

ومابين وشوش البشر 

واحنا ياما بنشوف 

وفجأة نلاقي الزمن قدامنا

وش عليه علامات الزمن

يعود بينا لزمن تاني 

 من غير معاد ممكن تتقابل الوشوش

ولما تتلاقي الوشوش مرتين

عمر الوشوش ماتبقى  نفس الوشوش تاني

والحكاية تبتدي لما يقرر رحيم المنشاوي

يسافر البلد. 

وفي قطر الصعيد 

وبعد العمر ما يعدي 

تتلاقي الوشوش تاني 

رحيم المنشاوي بيقابل الماضي

يا اه  يارحيم ع الماضي

تجاعيد الزمن ع الوشوش تتبدل وتتغير

وفي قطر الليل وآخره 

يعود الزمن 

وتعود لياليه 

وفجاءة تظهر حسنات لرحيم

يا اه  يارحيم  يا منشاوي

الحب والحياة 

الحكاية والنهاية 

تنعاد في قطر الليل وآخره

وقطر الليل وآخره 

فيه أشكال وألوان 

كل اللي راجعين من شغالانات  اخر الليل

الغوازي .. والطبالين 

عمال اليومية .. والقهوجية

وايه اللي حدف المنشاوي الكبير

علي قطر اخر الليل 

النصيب .. والا القدر 

ختام العمر .. والا ايه 

راح رحيم لقطر اخر الليل

سايب حاضر مش راضي عنه

راح وهو مش عارف 

انه هيلاقي ماضيه قدّامه

بس ماضيه الجميل 

حلم العمر 

وفجأة تظهر له حسنات

حلم العمر 

حب العمر 

أيامه الجميلة 

وفي قطر اخر الليل 

بينعاد  العمر الجميل 

وليلاتي في المعاد ده 

ينعاد عمري اللي عدي

والاقي الماضي اللي عدي

ع الحاضر يستعدي 

مين فين  ماعدش عليه الماضي مره

مين فينا محاولش يتذكر وش من الوشوش

اللي هجم عليه مره 

او اسم. حاولنا نتذكره ونتذكر ملامحه

وفي قطر اخر الليل 

ولما تتلاقي الوشوش 

يا اه. ع الزمن 

عمل فيك ايه يارحيم 

عمل معاكي ايه ياحسنات

غيرنا 

بدلنا 

كبرنا ..زود تجاعيدها 

تجاعيدي 

كم شعره بيضا هنا 

كم شعرة بيضا هناك 

اه م الزمن وعمايله فينا

فكريني ..يا تري والا نسيت

فاكر اول مره .. ولا نسيت حتي اخر مره

أدي الزمن وعمايله فينا

قدامنا ..وجها لوجه 

وقي كل محطة من المحطات  

 نلاقي محطة من حياتنا

فاكر طبعا 

اتقابلنا 

والتقينا 

مين يلاقي مين ؟.. يا كبير المنشاوية

هو الغرام يعرف كبير من صغير

هو الغرام بيقيس غني من فقير

هو الغرام والحب  اللي ما يعرف الا القلوب والعيون 

وهبت العاصفة 

بتقول ايه يا منشاوي يا كبير

عايز تتجوز مين يا ولدي

حسنات 

بنت مين ؟؟ نسبها أية ؟؟

نسبها قلبي يا اماي 

ومين يوقف القلوب ومين يوقف المشاعر

ومين يقول للغرام قانون او معايير

حب رحيم. المنشاوي الكبير حسنات غازية الموالد 

تقوم القيامة ..

حب وغرام يا ابو الولاد

حب وغرام يا كبير  

ازاي ومين. عاقل يقول الكلام

وفي قطر اخر الليل 

تستمر الحكاية 

وقفت قدام كل الخلق عشانك

بعت دنيتي وحياتي عشانك

تقوم القيامة 

يجي اخونا المستشار 

يجي ابنه الكبير 

يجي ابنه الصغير 

لكن قلبه عشق 

حلم العمر الحقيقي ظهر

نور حياته 

يا أمي انا عشقت 

ايوه عشقت 

لكن كل الدنيا مش شايف العشق

اه من الليل وآخره 

تاني ها نعيد الزمن 

مارآح الزمن خلاص 

هربتي مني 

كان لازم اهرب 

ما عرفتشً ألاقيكي 

وانا ماكنتش عايزه تلاقيني

اه من الليل وآخره 

يا أبوي ع الليل وآخره 

لمن تصحي همومه 

حلم وما جدرش اتاخره

عني ع الليل بطوله 

 هربتي ياحسنات 

كان لازم تهرب 

 وقفت قدام العالم 

فاكره البيت 

فرشناه حته حته 

فاكره كل حاجة 

بلاش تقلب في المواجع

واهو قطر اخر الليل 

بيعدي محطاته 

وكل محطة ليها رصيف

وكل رصيف ينزل ناس وتطلع ناس

ورحيم وحسنات راكبين لآخر المشوار

مل هو ده اخر المشوار

بتعدي محطات الطريق

وتعدي محطات حياته 

وفي كل محطة حكايه 

أدي البداية 

وادي التطور 

وادي الصراع 

وادي العقدة 

وادينا قربنا من النهاية

وبقينا علي مشارف الختام

وكل ليلة احداث 

افراح 

احزان 

سعادة 

الم 

كل الحياة بتمر 

وقطرنا بيجري  محطة ورا محطة

ورصيف ورا رصيف 

ونتكلم  ونتألم. ونبكي ونضحك

والاًخر نوصل لبر النهاية

لا عرفنا يوم نوقف قطر الحياة اللي عدي

ولا عرفنا يوم نخليه يستنا في محطة

هو اللي بيختار المحطة

وهو اللي بيختار الطريق

ودي حكاية الليل وآخره

وَيَا بوي علي الليل وآخره

لمن تصحي همومي