تقسيم فئات المجتمع المصري على ارض الواقع :

اربع فئات

الفئة الاولى :- 

*اعضاء المجلس العسكرى ... 

بيعتبروه انفسهم اصحاب البلد كلها وفيهم من يعتبر نفسه ( إله ) 

المليون كيلو متر مساحة البلد بما تحتها من ثروات و مافوقها من كل شئ بنى ادمين او مبانى او اى شئ بيعتبروها ملكهم و من حقهم فعل اى شئ ...

الفئة الثانية :- 

* حيتان رجال الاعمال و الوزراء والقضاه 

هم الفئة التى تملك الكثير و من حقهم ايضا عدم دفع الضرايب و اخذ اى قطعة ارض .. ولكنهم لازم يرجعوا لموافقة الفئة الاولى وتكون راضية عنهم و يدينوا ليها بالولاء و الطاعة و إلا هيتقرص ودنهم لو خالفوا او سرقوا او لعبوا بديلهم

الفئة التالتة :- 

* اللواءات و الاعلاميين و الصحفيين و الممثلين و ما يوازيهم 

دول احيانا مبيتعملوش مباشرة مع الفئة الاولى .. بيكون ديما في وسيط اللي هى الفئة التانية .. الفئة التالتة مهمتها .. اما بث السموم و المعتقدات التى تراها الفئة الاولى و الثانية .. الى الشعب عن طريق التلفاز و الصحف او اعطاء الاوامر للعساكر لقمع الشعب من خلال اللواءات .. 

و بيكون ليهم مرتبات عالية و اجور مجزية

الفئة الرابعة :- 

* امناء الشرطة و العسكرى و الشعب 

ماتستغربش ان امناء الشرطة و العسكرى في نفس فئة الشعب 

لان كل الفئات اللي فوق بتبص على الفئة ديا نفس النظرة على انهم (عبيد عندهم بس بأدوار مختلفة) ..

--امناء الشرطة هو عصاية الفئات التلاتة بيضرب بيه و يقمع بيه و بيسبوه يلقط رزقه بالرشوة و الاتاوة من نفس فئته .. ولو الفئة اللى فوق ارادت تبديل العصاية هتجيب من نفس فئة العبيد

--العسكرى هو من نفس فئة العبيد بالنسبة ليهم يدخل الجيش يخدمهم و يقف على مصالحهم و يحرسها ولو امناء الشرطة احتاجوا مدد بيجيبوا العسكرى يخدم معاهم شوية بشكل مؤقت و يرجع تانى لوظيفته الاساسية اللى هى الحراسة و السهر و العمل على مصالح الفئة الاولى

-- الشعب هو العبيد لكل الفئات السابقة مهمته العمل عندهم بأى أجر تحدده له الفئات اللى فوق .. ولو رفض قبول الفتات التى يمنون عليك بها .. تُعتبر في وجهة نظرهم خاين و عميل و متمرد و عاصي ومن حقهم اهانتك بالرفض من وظيفتك او قتلك او سحلك فالشوارع .. 

يجب ان تقبل خدماتهم الصحية و التعليمية و كل شئ وإلا ستصبح عدو لدود لهم و سيفتكون بك و يدمرومستقبلك 

او انك تهرب و من تحت سمائهم و من فوق ارضهم الى اى مكان اخر

اسف على لفظ قولته .. فأنا ايضا من فئة الشعب ( العبيد ) 

ولكنى اشرح حالة و افسر موقف ..

هذه وجهة نظري قد اكون مخطئ فيها .. فصححوا لى