طلق ياأبو العلا!!

بركب خيالي واتقي شرك

واقفل بيباني لو مفيش تعيين

أسكت وصو تي لم يغادرني

واطوي القلوع ع اللي فاتني حزين

انا كنت خايف كنت وحداني

زادت جبايتك ضعت دين ورا دين

انا غيط مهاود خاصَمته الميه

والتهمه حارس جبانه الغايبين

القهر عشش فوق شقوق بيتنا

والوقت ظالم يحبس الصامتين

كانت قلوعي نسر بيحاول

كسر الضلوع غدرهم

 واتلموا زين مع شين

الغدر حارس عيني وكلامي

لاعرفت اشوفك عفيه

ولا صرختي بتعين

وقفت صبيه تنعى سوء حالها

تبكي عيونها

 من غير دموع ناشفين

اما كلامها كان سبب حزني

(قالت ياعمي كلنا ساكتين

اشمعنا انت اللي صاحي

و العيون شعله

ارضح وعدي

زي غيرنا كتير) 

بصيت لعين البشر

انا شفت حصرتهم

ولقيت هتافي

بيطفي نار وذل كتير

كات نسمه حاره

 وكنت متدهول

شربت زادك مرار

وكفرت بالسابقين

ورفعت علم التظلم

 كسْروا بابي 

بايت ف بيت الجناه

وبلون الزنازين

عيش الجرايه

يابس غبي معفن

شق الحلوق بالدم

وبعتر المحابيس

كرم. حسام وطارق

 النهري وابن حسين

 وسجونهم الخانقه

وجوها الحارق

تطفي عيون الشوف

لو مددت سطرين

انا شفت صاحبي وحبيبي

متبدله صورته

طافيين عيونه ب هم

ومبدلينه حزين

ورضينا ظلم المعايش

قلنا جاي بعده

سدو الطرق بالطول

 وكسرو القوانين

لاسبت  جاي ولا حد

أسرى( الأمل و الدين) 

قاعد وراكب وبارك 

زي ضبع اجرب

 فوق قوت قلوبنا الوراثه

غيبه سنين وسنين