أرجوكم احترسوا ولا تستثمرو في البورصة 

طريقة جديدة للاحتيال وسرقة مدخرات الغلابة 

اعلان الاستثمار في البورصة وانك هتبقي مليونير نصباية كبيرة 

واحد صاحبي محلل مالي كبير وكان بيدير محفظة مالية لأكبر شركة سعودية 

وطلبوا منه محاضرة عن الاستثمار في البورصة 

لأن عنده ضمير قال ان كل واحد بيكسب في البورصة لازم قصاده علي الاقل تسع افراد يخسرو وطبعا الشركة الغت المحاضرة

لما تخسر جزء من فلوسك شئ ولما تخسر كل فلوسك كارثة 

البورصة زي القمار بتراهن علي سهم ممكن يكسب وممكن يخسر 

زي اليانصيب وسباق الخيل 

زمان الحج فتحي الريان كان بيضارب علي العملات وعلشان فرق التوقيت البورصات شغالة 24 ساعة ومكنش بينام وفاتح أكثر من شاشة علشان يتابع

 وبدأ ياخد أدوية تسهره وفي صفقة خسر 200 مليون دولار وبعدها حالته اتدهوت واتوفي لأن دي كانت فلوس المودعين اللي كانو بياخدو فايدة 36%

الاستثمار المالي علم له قواعد واصول وخبرة ومعرفة بطبيعة السوق وتحركاته وتأثير القرارات اللي ممكن يطلع سهم السماء ويخسف بسهم الأرض 

الناس اللي معاها فلوس وعايزة تضارب في البورصة بتروح لشركات متخصصة في الأوراق المالية فيها محللين وخبراء دارسين السوق 

وبيعملو للعميل محفظة من عدة اسهم علشان لو سهم واقع ممكن سهم تاني يشيله 

ودول متخصصين ومتابعين القوائم المالية للشركات وقرارات مجلس الإدارة والقرارات الاقتصادية التي تؤثر علي القطاع وبياخدو نسبة من الأرباح مقابل إدارة المحفظة 

وبيسألوك عند كل قرار مالي وفي فرص للبيع او الشراء وبيقدموا نصايحهم علي ضوء خبرتهم

ده علم له اصول وقواعد 

مش اكلة هتطلبها دليفري وتخلص

لو فلوسك كثير وهتخسر جزء منها هتقدر تتحمل 

لكن لو هتخسر كل مدخراتك فتبقي حمار وضيعت نفسك بايديك ومتلومش الا نفسك

لو عايز تستثمر في البورصة لازم يكون عن طريق شركة أوراق مالية لأن ده علم ونسب المخاطرة فيه عالية جدا 

المضمون أكثر انك تعمل وديعة في بنك من البنوك والبنك بيستثمر في مشاريع متعددة وبيحقق عائد ثابت ولكنه مضمون اكثر

ولو انت مغامر ومعاك فلوس لازم تختار مشروع عندك فكرة كويسة عنه وعن السوق بتاعه والقوانين والقرارات المنظمة له

 وكل مراحل شغله وممكن تعمل مشروعك وتتحمل المخاطرة لأن الربح مقابل المخاطرة 

اوعي تصدق نصابين الاعلانات 

أبعد عن البورصة .. أنت مش ناقص جورسة