تكبير الخط تصغير الخط

قال الرئيس عبد الفتاح السيسي، إن الحوار الوطني يتضمن مشاركة كل المفكرين والمثقفين والنقابات والقوى السياسية باستثناء "واحد"، في إشارة إلى جماعة الإخوان.

وأضاف، في لقاء مع الإعلاميين على هامش افتتاح محطة عدلي منصور المركزية والقطار الكهربائي، اليوم الأحد: "البعض قد يتساءل عن السبب في ذلك.. في 3 يوليو (عام 2013) آخر حاجة عملتها اقترحت عليهم تصور يمكن أن يؤدي إلى تجاوز الأزمة وهو إجراء انتخابات رئاسية".

وتابع: "الشعب خرج في الشوارع، يبقى نديله فرصة يقول رأيه، وأنتوا بتقولوا إنكم عندكم مؤيدين ودي مؤامرة.. طيب خلونا نكتشف المؤامرة دي ونعمل انتخابات رئاسية مبكرة.. لو الشعب اختاركم يبقى خلاص ولو لأ تبقوا جزء من العملية السياسية".

وأكمل: "ده محلصش واختاروا إنهم يقتلوا.. وده معناه إن الأرضية المشتركة اللي بتجمعنا في الحوار والنقاش مش موجودة لإني باتكلم في حوار وأنت بتتكلم في قتل".

واستطرد: "لو أنت كنت نجحت بطريقتك لو كنت أقولك تعالى نعمل حوار مكنتش هتسمع مني وتقولي أنا هاخدها بالقوة رغم إنه كان هياخد أشلاء".

وختم قائلًا: "اللي أنا بقوله ده موجود في مضبطة القوات المسلحة في يناير 2014 قبل ما نناقش فكرة أسيب الجيش ولا لأ".